साबित्रीले गुमाइन् इजरायलमै ज्यान

काठमाडौं – इजरायलमा कार्यरत एक नेपाली चेलीको निधन भएको छ । वैदेशिक रोजगारको शिलशिलामा लामो समयदेखि इजरायलमा रहेकी नेपाली चेली साबित्री सुनुवारको हृदयघातबाट मृत्यु भएको हो ।

अन्तर्राष्ट्रिय कलाकार मञ्च इजरायल शाखाकी उपाध्यक्ष समेत रहेकी सुनुवारको यहि असोज २० गते मृत्यु भएको उनका भाइ किशोर सुनुवारले बताए ।

विभिन्न संघसंस्थामा आबद्ध सुनुवार कला र प्रतिभाकी धनी थिइन् । सुनुवार एनआरएनए इजरायलकी निवर्तमान कार्यसमिति सदस्यसमेत रहेकी थिइन् ।

सुनुवार वैदेशिक रोजगारीको शिलशिलामा कुवेत हुँदै इजरायल पुगेकी थिइन् । उनको शव नेपाल ल्याउन पहल भैरहेको छ ।