रुपन्देहीबाट गृहमन्त्री खाँणले गरे मतदान

बुटवल – गृहमन्त्री बालकृष्ण खाँणले गृह जिल्ला रुपन्देहीबाट मतदान गरेका छन् । नेपाली कांग्रेसका प्रभावशाली नेता समेत रहेका खाँणले रुपन्देहीको तिलोत्तमा वडा नं. ८ को ज्योति आधारभूत स्कूलमा मतदान गरेका हुन ।

उनले कसैले पनि असुरक्षित महशुस नगरी मतदान गर्न आग्रह गरे । यो निर्वाचनबाट चुनिने जनप्रतिनिधिहरूले जनताको सेवक बनेर काम गर्नुपर्ने बताउँदै देश समृद्धिको दिशामा अघि बढेको बताए ।

सोही मतदान स्थल बाट नेपाली कांग्रेसका मेयर पदका उम्मेदवार रामकृष्ण खाँणले मतदान गरेका थिए ।