कैलालीको गोदावरी-४ मा मनोहर कुँवरको उम्मेद्वारी

कैलाली – कैलालीको गोदावरी नागरपालिका–४ मा नेकपा माओवादीका तर्फबाट मनोहर कुँवरले वडाअध्यक्ष पदको उम्मेद्वारी दिएका छन् ।विगत तीन दशकदेखि स्थानिय स्तरमा समाजसेवामा रहेका कुवँर राजनीतिमा पनि उत्तिकै सक्रीय व्यक्ति हुन् ।

कृषी पेशामा आबद्ध कुँवरले स्थानिय स्तरमा समाजसेवाबाट राम्रो छबी बनाएका छन् । तीन दशकदेखि समाजसेवामा लागेर स्थानियको सेवा गरी लोकप्रियता कमाएका कुँवर यसपटक जनप्रतिनिधि बनेर जनताको सेवा गर्न भन्दै स्थानिय तहको निर्वाचनमा होमिएका हुन् ।

झण्डै तीन दशकलामो समाजसेवमा मार्फत पनि सामाजिक सचेतनाकरण योगदान पुर्याएका कुँवर गोदावरी नगरपालिका वडा नम्बर ४ का वडाध्यक्ष पदमा उम्मेदवार बनेका हुन् । सामाजिक सचेतिकरणमा उल्लेखनिय योगदान गरेका कुँवरले स्थानियले निर्वाचनमा स्थानियको भरपुर सहयोगको अपेक्षा गरेका छन् ।

मुलुकको लोकतन्त्रको संस्थागत विकासमा अतुलनिय योगदान गरेका कुँवर वडाबासी सबैका प्रिय व्यक्ति हुन् । नेकपा माओवादीबाट यस्ता लोकप्रिय व्यक्तिलाई वडाध्यक्षको उम्मेद्वार बनाएपछि अन्य प्रतिस्प्रधी पार्टीमा भने पहिरो गएको छ ।

वडाबासीमाथि कुनै प्रकारको राजनीति आग्रह पूर्वाग्रह दुरासय नराखी उहाँले सेवा गर्ने प्रतिबद्धता ब्यक्त गरेका छन् । सोही कारणले उनले भोटका लागि अनुनय विनय गरिरहेका छन् । हामी उहाँका साथमा छौं, जीत सुनिश्चित छ, स्थानिय युवा टेकबहादुर खड्काले भने ।

वडाको काम भनेपछि घाम पानी नभनि रातदिन खटिने अत्यन्त मिलनसार कुँवरलाई वडाबासीको काम नसक्दा कहिले भोक निन्द्रा लागेन । कुँवरले भने-मलाई समाजसेवा गर्न पाउँदा आनन्द आउँछ ठूलो धर्म कमाएजस्तो लाग्छ । समाजसेवा गरिरहन पाउनु मेरो लागि अहोभाग्य पनि हो ।

महिला बालबालिका, जेष्ठ नागरिक अपाङ्गता भएकाहरुका लागि त उनि झनै प्रिय व्यक्ती हुन् । किनकी उनले आफू कुर्सीमा नभएको समयमा पनि लक्षित व्यक्तिका लागि उल्लेखनीय काम गरेको स्थानिय बृद्धा दुर्गादेवी भण्डारीले बताईन् । वडाबासी ललिता चौधरीले भनिन्-यो पार्टी त्यो पार्टी भन्दा पनि काम गर्ने व्यक्ती छानेर मतदान गर्नुपर्ने रहेछ । यसपटक मनोहर कुँवरको जीत सुनिश्चित छ ।

हरेक संकट अवस्थामा मुलुकलाई निकास दिएको पार्टी नेकपा माओवादी प्रतिको जनविश्वास यसपटकको निर्वाचनमा झनै बढी देखिएको छ । स्थानियबासी नेत्रबहादुर खत्रीले भने–अहिलेका पाटीको पक्षमा जनलहर उर्लिएको देख्दा पनि कुँवरको जीत निश्चित भएको छ । उनले यही बैशाख ३० मा गोदावरी नगरपालिक–४ मा भारी मतले विजय गराउन उनले आग्रह गरेका छन् । उम्मेद्वार कुँवरले वडाको समृद्धीका लागि थप नयाँ काम गर्ने प्रतिबद्धता समेत व्यक्त गरेका छन् ।