देशभर थप १५ मा कोरोना पुष्टी, सक्रिय संक्रमित ३ सयभन्दा कम

काठमाडौं – नेपालमा गत २४ घन्टामा १५ जना कोरोना संक्रमित थपिएका छन् । स्वास्थ्य मन्त्रालयका अनुसार गत २४ घन्टामा गरिएको ३ हजार ५ सय ४७ परिक्षणमध्ये उक्त संख्यामा कोरोना पोजेटिभ देखिएको हो ।

त्यस्तै नेपालमा अहिलेको अवस्थामा सक्रिय संक्रमित संख्यण २ सय ९८ जना रहेको पनि मन्त्रालयले जनाएको छ । मन्त्रालयका अनुसार गत २४ घन्टामा ३२ जना संक्रमित कोरोनामुक्त भएपछि सक्रिय संक्रमितको संख्या तीन सयको तल झरेको हो ।

मन्त्रालयका अनुसार गत २४ घन्टामा कसैको पनि कोरोनाका कारण मृत्यु भएको छैन ।