घोराहीबाट साढे चार लाख बढी सहित २० जना हाइप्रोफाइल जुवाडे पक्राउ

घोराही – जिल्ला प्रहरी कार्याल दाङयदेखि झन्डै तीन किलोमिटर उत्तरमा पर्ने घोराहीको रझेनाबाट साढे चार लाख बढी नगदसहित दआङ प्रहरीले जुवाडे पक्राउ गरेको छ। पछिल्लो समय तुलसीपुर र घोराही क्षेत्रबाट प्रहरीले जुवा खालहरुमा छापा मारेर दिनहुँजसो जुवाडेहरु पक्राउ गर्दे आएको छ।

घोराही उपमहानगरपालिका वडा नम्बर १४ रझेनामा आइतबार राती एक घरमा भइ रहेको जुवामा छापा मारेर प्रहरीले २० जुवाडे पक्राउ गरेको जिल्ला प्रहरी कार्यालय दाङका एसपि सुरेशप्रसाद काफ्लेले जानकारी दिए ।

रझेनाका २५ वर्षीय यज्ञ खड्काको घरमा अबैध रुपमा जुवा भइरहेको भन्ने गोप्य सूचनाका आधारमा पुगेको प्रहरी टोलीले छापा मारेर २० जना जुवाडेसहित चार लाख ६४ हजार आठ सय ८१ रुपैयाँ नगद बरामद भएको एसपी काफ्लेले बताए।

खड्काको घरमा छापा मारेर प्रहरीले साढे चार लाख नगद र जुवाडेले प्रयोग गरेका चारवटा कारहरु समेत नियन्त्रणमा लिएको उनले जानकारी दिए।

जुवाडेले प्रहरीलाई पनि झुक्याएको र बाहिरै गाडीमा बसेको एक जना व्यक्तिले लाखौं रुपैयाँ लिएर भागेको ब्यक्तिको पहिचान भइसकेकाले खोजी कार्य जारी रहेको उनले बताए ।
कौडा खेली रहेको अवस्थामा जुवाको खालबाट पक्राउ पर्नेमा एमाले नेता घोराही १५ का ५७ वर्षीय महावीर वली, घोराही १५ कै धुर्बराज केसि, सोही ठाउकै पुर्ण चन्द अधिकारी रहेका छन ।
रोल्पा रुन्टीगढी गाउँपालिका ४३ वर्षीय रुपलाल बिक, दाङको घोराही उपमहानगरपालिका १५ का ४२ वर्षीय यज्ञप्रताप बस्नेत, ५१ वर्षीय रामप्रसाद गिरी, २८ वर्षीय मानबहादुर बुढा मगर, ५० वर्षीय रगेन्द्र श्रेष्ठ, घोराही १४ का २९ वर्षीय लालबहादुर अमल, घोराही १५ का ५७ वर्षीय शरद लामिछाने, घोराही १२ का ५२ वर्षीय कुलराज वली रहेका छन्।

त्यस्तै कांग्रेस नेताहरु घोराही ५ का ५७ वर्षीय नवीन पछाँँई, घोराही १५ का ५२ वर्षीय चेतनाथ धिताल, ४६ वर्षीय सुवास धिताल, ४२ कै प्रमोद गौतम, घोराही १९ का ५६ वर्षीय ईश्वर रायमाझी, घोराही १६ का ३४ का रवी गिरी, घोराही १८ का ४९ वर्षीय समिर लामा, घोराही १४ का २५ वर्षीय यज्ञ खड्का र घोराही १४ का २४ वर्षीय कमल घर्ती रहेको प्रहरीले जानकारी दिएको छ।
पक्राउ परेकाविरूद्ध जुवा ऐन अन्तर्गत मुद्दा दायर गरेर कारबाहीको प्रक्रिया अगाडि बढाउने प्रहरीले जनाएको छ। प्रहरीले गएको शुक्रवार तुलसीपुरबाट हाइप्रोफाइल जुवाडे पक्राउ गरेपनि ३ दिनमै छुटेपछि प्रहरी आलोचित बनेको छ ।प्रहरीले सामान्य जुवामा पनि कहिले २५ दिनसम्म थुनेर मुद्धा चलाउने र पहुँचवालाको हकमा राजनितिक दबाब र आर्थिक चलखेलका आधारमा २-३ दिनमै ब्यक्ति हेरेरअनुसन्धान प्रतिबेदन बुझाउदा प्रहरी आलोचित बन्दै गएको हो । प्रहरीले आइतबार घोराही १६ खिरट्टेबाट ७० हजारसहित पक्राउ परेका ८ जुवाडेलाई सामान्य म्यारिज मात्रै खेलेको भन्दै मुद्धा नचलाई छाडेको छ । कांग्रेस र एमालेका नेताहरु जुवा खालबाट पक्राउ परेपछि नेताहरुको जुवाडे छुटाउन प्रहरी कार्यालयमा दौडधुप छ । जुवा खेलाएको आरोपमा अघिल्लो पटक प्रहरीले छापा हानेका कांग्रेसका क्षेत्रिय सभापती भुपबहादुर डागिको नेतृत्वमा कांग्रेस र एमालेका नेताहरु जिप्रका पुगेका छन ।