म्याग्दीको बेनीमा बजारमा आगलागी, दुई पसल जलेर नष्ट
कागजपत्र |
म्याग्दी – म्याग्दीको सदरमुकाम बेनी बजारमा आगलागी हुँदा दुई पसल जलेर नष्ट भएको छ ।
बेनी नगरपालिका—८ न्यूरोडमा अवस्थित नतिजा किराना पसल र रघुगंगा दूध डेरीमा आज बिहान तीन बजेतिर आगलागी भएको म्याग्दी प्रहरीले जनाएको छ ।
नेपाली सेना, सशस्त्र प्रहरी र नेपाल प्रहरीको टोलीले दमकल प्रयोग गरी आज बिहान पाँच बजेतिर आगो नियन्त्रणमा लिएको छ ।
रघुगंगा डेरीबाट सुरु भएको आगो नयन स्टोर्समा पनि सल्किएको थियो । आगलागीको क्रममा ग्यास सिलिण्डर पड्किएर ठूलो आवाज आएको थियो । पसलभित्रको बिजुलीको तार सर्ट भएर आगो लागेको हुन सक्ने अनुमान गरिएको छ ।
