चोरीका २ क्रेटा गाडीसहित राजधानीबाट दुई जना पक्राउ

काठमाडौं – महानगरिय अपराध महाशाखाले उपत्यकाका बिभिन्न स्थानमा भन्सार छलेर ल्याइएका सवारी साधन बिक्री गर्ने गिरोहका दुई जनालाई गाडी र पाटपुर्जासहित पक्राउ गरेको छ।

महाशाखाबाट खटिएको प्रहरी टोलीले साउन ७ गते बौद्धबाट हुण्डाई कम्पनीको दुई वटा क्रेटा गाडी र पाटपुर्जासहित उनीहरुलाई पक्राउ गरेको हो।

पक्राउ पर्नेहरुमा मुस्ताङ लोधोगार दामोदर कुण्ड गाँउपालिका वडा न। ४ घर भई काठमाडौं बौद्ध बस्ने आग्या गुरुङ र भारत पश्चिम बंगाल दार्जिलिङ भई काठमाडौं बौद्धबस्ने  सोनाम टासी योल्मो रहेका छन्।

उनीहरुको साथबाट ईन्जिन नम्बर D4FCJMJM710203, च्यासिस नम्बर MALC281RLJM510761 सेतो रंगको बा. १९ च.२०३६ भएको सेतो रंगको र ईन्जिन नम्बर D4FBKM837583 च्यासिस नम्बर MALC381UMKM625769 भएको अटो गेर भएको DL8CAZ6082 भएको सेतो रंगको गाडी बरामद गरिएको पनि प्रहरीले जनाएको छ ।

उनीहरूलाई  आवश्यक कारवाहीको लागि त्रिभुवन अन्तरास्ट्रिय विमानस्थल भन्सार कार्यालय काठमाडौं पठाईएको महाशाखाले जनाएको छ।