भेरीमा पौडी खेल्ने क्रममा दिदीभाई बेपत्ता, १ को मृत्यु
कागजपत्र |
जाजरकोट — भेरी नदीमा पौडी खेल्ने क्रममा दुई बालबालिका बेपत्ता भएका छन् भने एक जनाको मृत्यु भएको छ ।
मृत्यु हुनेमा नलगाड नगरपालिका-८ मन्मै भन्ने ठाउँका १५ वर्षीय भगवती नेपाली रहेकी छन् ।
जिल्ला प्रहरी कार्यालय जाजरकोटका सूचना अधिकारी हरिराम डाँगीका अनुसार सोही ठाउँका अन्दाजी १२ वर्षीय आशा कुसारी र १० वर्षीय महेश कुसारी अझै बेपत्ता छन् ।
उनीहरू दिदिभाइ हुन् । उनीहरू शुक्रबार दिउँसो पौडी खेल्न नदी पुगेका थिए । बेपत्ताहरूको खोजी कार्य भइरहेको डाँगीले बताए ।
