गृहनगरले साबित्रालाई चिनेपछि…

काठमाडौं – राष्ट्रिय फुटबल टोलीकी कप्तान सावित्रा भण्डारी (साम्बा) को सम्मानमा उनको गृहनगरको मुख्य चोकको नामकरण नै उनको नामबाट भएको छ ।

सशस्त्र प्रहरीकी सहायक हवल्दारसमेत रहेकी साम्बा लमजुङ, मर्स्याङ्दी गाउँपालिका– ९ खुदी बजारकी बासिन्दा हुन् ।

त्यहाँको गाउँपालिकाले खुदी बजारको प्रमुख चोकको नामकरण सम्बा चोकका रूपमा गरेको छ । त्यहाँ सम्बाको एउटा स्तम्भ पनि बनाइएको छ । त्यसको उद्घाटन गाउँपालिका अध्यक्ष अर्जुन गुरुङले सोमबार गरे ।

सशस्त्र प्रहरी बलका सहायक प्रवक्ता डीएसपी शैलेन्द्र थापाका अनुसार, उद्घाटन समारोहमा प्रमुख जिल्ला अधिकारी माधवप्रसाद पोखरेल, मर्स्याङ्दी गाउँपालिका–९ का वडा अध्यक्ष हरिशचन्द्र थापा, आश्रित गुल्म लमजुङका गुल्मपतिसहितका व्यक्ति उक्त कार्यक्रममा उपस्थित थिए ।

कार्यक्रममा साम्बाका बुबा र आमालाई सम्मान गरिएको छ ।