बबी सिंहले पड्काएको बन्दुक सर्लाहीबाट बरामद

सर्लाही—सोसल मिडियामा भाइरल बनेको डा. बबीसिंह यादवको नाचिरहेको भिडियोलाई अनुसन्धान क्रममा प्रहरीले पेस्तोल बरामद गरेको छ । सर्लाही जिल्ला प्रहरी कार्यालयका डीएसपी सरोज राईका अनुसार, मलंगवा नगरपालिका–२ अन्तर्गत अञ्जनी कुमार तिलहरीको घरबाट फेला परेको पेस्तोल केन्द्रीय विधिविज्ञान प्रयोगशालामा परीक्षणका लागि पठाइँदैछ ।

प्रहरीले बरामद गरेको पेस्तोलसँगै त्यही ठाउँबाट बारुदको प्याकेट पनि संकलन गरेको छ । डा. यादवले वैशाख ११ मा मलंगवा–५, भाडसरस्थित बसन्त कुमारकी छोरी कोमल सुप्रियाको हल्दी कार्यक्रममा हवाई फायर गरेको देखिएको थियो ।

भिडियोमा डा. यादवले यथार्थमा भारतको सीतामढीमा भएको वैवाहिक समारोहको क्रममा ‘रेञ्जर टोय’ खेलौना पेस्तोल प्रयोग गरेको दाबी गरेकी भए तापनि प्रहरीले वास्तविकता पुष्टि गर्ने उद्देश्यले परीक्षण गर्दैछ ।

यसअघि सप्तरी प्रहरीले भिडियोबारे सोधपुछका लागि डा. यादवलाई बोलाएको थियो ।