आँपको बगैँचामा अनुहार जलाइएकाे अवस्थामा महिलाको शव फेला

महोत्तरी-  महोत्तरीमा अनुहार जलेको अवस्थामा एक महिला मृत फेला परेकी छन् ।

सोमबार बिहान पिपरा गाउँपालिका-७ दनौली चौरीस्थित अशोक ठाकुरको आँप बगैँचामा अनुहार जलेको अवस्थामा  महिला मृत फेला परेकी हुन् ।

करिब २५/२६ वर्षीया ती महिलाले कालो लेगिज र हल्का पहेँलो रंगको कुर्ति लगाएकाे जिल्ला प्रहरी कार्यालय महोत्तरीले जनाएकाे छ ।

जिल्ला प्रहरी कार्यालय महोत्तरीका एसपी नकुल पोखरेलको कमान्डमा टोली घटनास्थल पुगेको छ । मृतकको परिचय खुल्न नसकेको घटनास्थल सुरक्षित राखी मुचुल्कालगायत प्रहरी कारबाही गरिरहेको छ ।

घटनाको प्रकृति हेर्दा कसैले विभत्स किसिमले हत्या गरे जस्तो देखिएको एसपी पोखरेलले जानकारी दिए ।