माल बनिन् माओवादी सुदूरपश्चिमको प्रमुख सचेतक

काठमाडाैं- सुदूरपश्चिम प्रदेशसभामा नेकपा माओवादी केन्द्रको संसदीय दल प्रमुख सचेतकमा गीतादेवी माल चयन भएकी छन् । उपनेता अक्कलबहादुर रावलका अनुसार संसदीय दलको बैठकले प्रदेश सभा सदस्य माललाई प्रमुख सचेतकमा चयन गरेको हो ।

प्रमुख प्रतिपक्षी दल समेत रहेको माओवादी केन्द्रले प्रमुख सचेतक चयन गरेको जानकारी प्रदेश सभा सचिवालयलाई गराइसकेको छ ।

यसअघि माओवादीको प्रमुख सचेतकमा मान बहादुर धामी रहेका थिए । उनी संसदीय दलको नेता भएपछि प्रमुख सचेतक पद खाली थियो ।