राष्ट्रिय सुरक्षाको अभिभारा सेनाले मात्र लिएर सम्भव हुँदैनः सांसद प्रधान
कागजपत्र |
काठमाडौं — राष्ट्रिय प्रजातन्त्र पार्टी (राप्रपा) सांसद एवं पूर्वप्रहरी महानिरीक्षक (आईजी) ध्रुवबहादुर प्रधानले राष्ट्रिय सुरक्षाको अभिभारा नेपाली सेनाले मात्रै लिएर सम्भव नहुने बताएका छन् ।
बुधबार प्रतिनिधि सभा बैठकमा बोल्दै उनले राष्ट्रिय सुरक्षाको लागि नेपाली नागरिक पनि उभिनुपर्ने बताएका हुन् ।
उनले यसका लागि राष्ट्रिय सेवा दलको अभ्यासको दायरालाई बढाउनुपर्ने बताए । सेनाको उपकरणहरुको स्तरवृद्धि गर्नु आवश्यक रहेको पनि उनको भनाइ थियो ।
‘आवश्यक पर्दा राष्ट्रिय सुरक्षाको अभिभारा नेपाली सेनाले मात्रै लिएर सम्भव हुँदैन । नेपाली नागरिक पनि उभिनुपर्ने अवस्था आउनसक्ने अवस्थालाई तयारी गर्ने क्रममा राष्ट्रिय सेवा दलको अभ्यासलाई यसको दायरा बढाउनुपर्ने सल्लाह दिन चाहन्छु,’ उनले भने ।
