कान्तिपुरमा पुग्यो प्रहरी
कागजपत्र |
काठमाडौं – कान्तिपुर पब्लिकेसन्सको कार्यालयमा सादा पोशाकको प्रहरी पुगेको छ ।
कान्तिपुर मिडिया ग्रुपका अध्यक्ष कैलाश सिरोहियालाई पक्राउ पुर्जी जारी भएकै दिन प्रहरीको टोली कान्तिपुर दैनिकको केन्द्रीय कार्यालय पुगेको हो ।
काठमाडौं उपत्यका अपराध अनुसन्धान कार्यालयका एसपी रवीन्द्र रेग्मीसहित सादा पोसाकका प्रहरी पुगेका छन् । काठमाडौं प्रहरी परिसरका सादा पोसाकका प्रहरी पनि कान्तिपुर पब्लिकेसन्स पुगेकाे जनाइएको छ ।
अध्यक्ष सिरोहियाका छोरा तथा कान्तिपुरका सीईओ सम्भव सिरोहियाले प्रहरीसँग कुराकानी गरेका थिए ।
कार्यालयमा कैलाश सिरोहियाकी बुहारी शृंखला खतिवडा सिरोहिया पनि पुगेकी छिन् ।
