मन्त्रिपरिषद् बैठक जारी, तीन डिआइजीलाई एआइजीमा बढुवाको निर्णय हुँदै
कागजपत्र |
काठमाडौँ– आज(बिहीबार) बिहान ८ः३० देखि मन्त्रिपरिषद् बैठक जारी छ। बैठकले तीन नायब प्रहरी महानिरीक्षक (डिआइजी)लाई अतिरिक्त प्रहरी महानिरीक्षक (एआइजी)मा बढुवा गर्ने बताइएको छ ।
सरकारको बढुवा समितिले वसन्त पन्त, धिरजप्रताप सिंह र रवीन्द्र धानुकलाई एआइजीमा बढुवा गर्न सिफारिस गरेको थियो ।उनीहरूविरुद्ध घनश्याम अर्याल, इश्वरबाबु कार्की र प्रकाशजंग कार्कीले लोकसेवा आयोगमा उजुरी दिएका थिए ।
आयोगले उजुरीकर्ताको पक्षमा निर्णय गरेन । आज उजुरीकर्ता यो निर्णयविरुद्ध सर्वोच्च अदालतमा जाने तयारीमा थिए । तर सर्वोच्च नपुग्दै मन्त्रिपरिषद्ले बढुवाको निर्णय गर्न लागेको हो ।
त्यस्तै शुक्रबार प्रधानमन्त्रीको भारत भ्रमणलाई समेत स्वीकृत गर्ने तयारी छ । देउवासहित ४० सदस्यीय टोलिको भ्रमण स्वीकृत गर्ने तयारी छ।
