अझै बढ्यो सुनको भाउ, तोलाको कति ?

काठमाडौं – सुनको भाउ लगातार उकालो लागेको छ। साताको पहिलो कारोबार दिन हिजो तोलामा २ हजारले बढेको सुन आज एक हजार १ सय बढेको छ।

आज छापावाल सुन प्रतितोला १ लाख ३ हजारमा कारोबार भइरहेको नेपाल सुनचाँदी व्यवसायी महासंघले जनाएको छ। हिजो १ लाख १ हजार ९०० रुपैयाँमा कारोबार भएको थियो। त्यसैगरी तेजावी सुनको मूल्य प्रतितोला १ लाख २ हजार ५०० रुपैयाँ तोकिएको छ।

यस्तै चाँदीको भाउ आज पनि उकालो लागेको छ। हिजो १४ सय १५ रुपैयाँमा कारोबार भएको चाँदी तोलामा १० रुपैयाँले बढेर १४ सय २५ पुगेको छ।