प्रुडेन्सियल क्यापटिलको स्वामित्वमा रहेको ४ कम्पनीको सेयर बिक्रीमा

काठमाडौं – प्रुडेन्सियल क्यापटिल म्यानेजमेन्ट कम्पनीले आजबाट आफ्नो स्वामित्वमा रहेको ४ वटा कम्पनीको सेयर बिक्री खुल्ला गरेको छ । कम्पनीले २ लाख २१ हजार कित्ता संस्थापक सेयर लिलामीमा बिक्री खुला गरेको हो ।

जसमा नेसनल लाइफ इन्सुरेन्सको १ लाख, नेपाल लाइफ इन्सुरेन्सको ५० हजार, आइसीएफसी फाइनान्सको ४८ हजार र नेपाल ग्रामीण विकास लघुवित्तको २३ हजार कित्ता सेयर रहेको छ ।

जसमा लगानीकर्ताले नेसनल लाइफको सेयरमा न्यूनतम ३९० रुपैयाँ, नेपाल लाइफ इन्सुरेन्सको सेयरमा ९०० रुपैयाँ, आइसीएफसी फाइनान्सको सेयरमा १९५ रुपैयाँ र नेपाल ग्रामीण विकास लघुवित्तको सेयरमा ३७५ रुपैयाँ न्यूनतम रुपैयाँ भाउ राखेर आवेदन दिन सक्नेछन् । यो सेयर खरिदका लागि विद्यमान संस्थापकहरु वा जो कोही व्यक्ति, कम्पनी, संघ, संस्थाहरुले आवेदन दिन सक्नेछन् ।