नेस्डो समृद्ध लघुवित्तको आईपीओ खुल्यो

काठमाडौँ– नेस्डो समृद्ध लघुवित्त वित्तीय संस्थाले बुधबारदेखि आईपीओ निष्काशन गरेको छ। लघुवित्तले ८ करोड २८ लाख ७५ हजार रुपैयाँ बराबरको ८ लाख २८ हजार ७५० कित्ता आईपीओ जारी गरेको हो।

त्यसमध्ये ०.५ प्रतिशत अर्थात् १२ हजार ७५० कित्ता कर्मचारीका लागि र ५ प्रतिशत अर्थात् ४१ हजार ४३७ कित्ता सामूहिक लगानी कोषलाई छुट्याएको छ। बाँकी ७ लाख ७४ हजार ५६३ कित्ता सेयरका लागि सर्वसाधारणले आवेदन दिन सक्नेछन्।

आईपीओमा प्रतिसेयर १०० रुपैयाँका दरले न्यूनतम १० कित्तादेखि अधिकतम १००० कित्तासम्मको लागि आवेदन दिन सकिनेछ।

लघुवित्तको आईपीओमा फागुन १५ गतेसम्ममा आवेदन दिन सकिनेछ। त्यस अवधिसम्ममा मागअनुसार आवेदन नपरे फागुन २५ गतेसम्म म्याद थप हुने आईपीओ निष्काशन तथा बिक्री प्रबन्धक ग्लोबल आईएमई क्यापिटल लिमिटेडले जनाएको छ।

२०७५ फागुन २१ गतेदेखि राष्ट्रियस्तरको वित्तीय संस्थाका रुपमा कारोबार शुरु गरेको लघुवित्तले हाल १२ जिल्लामा ५६ वटा शाखा कार्यालय मार्फत वित्तीय सेवा प्रदान गर्दै आइरहेको छ।