‘लिभिङ टुगेदर’ सम्बन्धी कानुन बनाउन सांसदहरूको सुझाव

बैठकमा नेपाली कांग्रेसकी सचेतक पुष्पा भुसालले लिभिङ टुगेदर नेपालमा पनि प्रचलनको रुपमा बढ्दै गएको तर त्यसलाई नियमन गर्ने कानुन नहुँदा समस्या सिर्जना भएको बताइन्। ‘हामीसँग वैवाहिक कानुन छन्। घरेलु कानुनहरू छन्। त्यसलाई पनि लिभिङ टुगेदरले प्रभावित पारिरहेको छ,’ उनले भनिन्, ‘कस्तो अवस्थामा विवाह नगरी महिला पुरुष सँगै बस्न पाउने र कस्तो अवस्थामा बस्न नपाउने भन्ने स्पष्ट रुपबाट कानुन बनाउनु जरुरी छ। त्यस्तो कानुन बन्यो भने मात्रै विद्यमान कानुन कार्यान्वयन गर्न सहज हुन्छ।’

उनले लिभिङ टुगेदर बारेमा सरकारले छिटो भन्दा छिटो एउटा स्पष्ट खाका कोरेर सदनमा छलफल गराउन आवश्यक रहेकोमा जोड दिइन्।