रोल्पामा टिपर दुर्घटना हुँदा एक जनाको मृत्यु, एक घाइते
कागजपत्र |
काठमाडौं – रोल्पामा टिपर दुर्घटना हुँदा एक जनाको मृत्यु भएको छ भने एक जना घाइते भएका छन्। जिल्ला प्रहरी कार्यालय रोल्पाका अनुसार इँटा लिएर रोल्पाको लुङ्ग्री गाउँपालिका (२ सिर्प जाँदै गरेको लु १ ख १७८७ नम्बरको टिप्पर लुङग्री गाउँपालिका -२ जलुके भन्ने स्थानमा दुर्घटना हुँदा सोहि गाउँपालिका -२ सिर्प बस्ने ३७ वर्षिय अमृत बहादुर वलीको घटनास्थलमै मृत्यु भएको हो। मृतक वली टिपरका सहचालक हुन् ।
दुर्घटनामा परि घाइते भएका टिप्पर चालक दाङको राप्ती गाउँपालिका – ३ का ४३ वर्षिय दिपक केसीलाई उपचार लागि बुटवल ल्याइएको छ।
टिपर सडकबाट अन्दाजी १५० मिटर तल खसेर दुर्घटनाग्रस्त भएको थियो । दुर्घटना के कारणले भएको भन्ने नखुलेको र अनुसन्धान भइरहेको प्रहरीले जनाएको छ ।
