एमसीसी र गठनबन्धन फरक विषय हो : प्रवक्ता महत
कागजपत्र |
काठमाडौं – नेपाली कांग्रेसका प्रवक्ता डाक्टर प्रकाशशरण महतले अमेरिकी अनुदान सहयोग एमसीसी र सत्ता गठनबन्धन फरक विषय भएको बताएका छन् ।
नेपाल प्रेस युनियन चितवनले आयोजना गरेको कार्यक्रममा प्रवक्ता महतले कांग्रेसले एमसीसी सदनमा लगेर छलफल गरौँ भनेको तर, गठबन्धन टुट्नुपर्छ भनेर नभनेको स्पष्ट पारे ।
एमसीसीका कारण गठबन्धनमा समस्या नहुनेमा कांग्रेस विश्वस्त रहेको उनको तर्क छ । सभामुख अग्निप्रसाद सापकोटाले कुनैपनि विषयलाई रोकेर राख्ने अधिकार नभएको भन्दै सार्वभौम संसद्को अधिकार भएको उनले दावी गरे।
उनले दलहरुले एमसीसीका विषयमा स्पष्ट धारणा बनाउनु पर्नेपनि बताएका हुन् ।
