यथाशीघ्र स्थानीय तह निर्वाचनको मिति तोक्न सरकारलाई आयोगको आग्रह

काठमाडौँ – निर्वाचन आयोगले स्थानीय तहको निर्वाचन यथाशीघ्र तोक्नका लागि सरकारसँग आग्रह गरेको छ ।

आयोगले मंगलबार विज्ञप्ति जारी गर्दै सरकारलाई यथाशीघ्र स्थानीय तह निर्वाचनको मिति तोक्न आग्रह गरेको हो ।

आयोगले यसअघि नै दुई चरणमा स्थानीय तहको निर्वाचन तोक्न सरकारसामू मिति प्रस्ताव गरेको थियो । पहिलो चरणको २०७९ वैशाख १४ र दोस्रो चरणमा वैशाख २२ गतेका लागि मिति प्रस्ताव गरिएको थियो ।

संविधानसँग निर्वाचन ऐन बाँझिएको भन्दै स्थानीय तह निर्वाचन पर धकेल्ने रणनीतिमा सरकार र सत्तारुढ दलहरू रहेका छन् ।