अस्ट्रेलियामा हुनुहुन्छ ? खोप लगाउनुहोस् है नत्र पर्ला ३६ सय डलर जरिवाना

सिड्नी – अस्ट्रेलिया सरकारले खोप नलगाउने व्यक्तिलाई तीन हजार ६०० डलर जरिवाना लगाउने भएको छ ।

सबै नागरिकलाई खोप लगाउने नीति अनुसार सरकारले यही १ फेब्रुबरीदेखि लागू हुने गरी नयाँ नियम ल्याउन लागेको हो । अहिलेसम्म ७२ प्रतिशत अस्ट्रेलियालीले कोभिडविरुद्ध पूर्ण खोप लगाएका छन् ।

सबै नागरिकले अनिवार्य खोप लगाउनुपर्ने विद्येयक तल्लो सदनबाट पारित भइसकेको छ । माथिल्लो सदनबाट पारित भएपछि राष्ट्रपतिले हस्ताक्षर गरेपछि विद्येयकले कानूनको रुप लिनेछ ।

खोप आदेश सन् २०२४ को जनवरीसम्म लागू हुनेछ । त्यसका लागि सरकारले एक अर्ब ४० करोड डलर खर्च लाग्नेछ ।

पछिल्लो समय अस्ट्रेलियालगायत विश्वमै कोरोना संक्रमितको संख्या तीबगतिमा बढ्दै गइरहेको छ । अस्ट्रेलियामा पछिल्ला दिनमा दैनिक रुपमा संक्रमित र मृत्यु हुनेको संख्या बढ्दो क्रममा गएसँगै सरकारले उक्त नियम ल्याएको हो ।