बालुवाटारमा सरकार सञ्चालनका उच्चस्तरीय संयन्त्रको बैठक जारी
कागजपत्र |
काठमाडौं – सरकार सञ्चालनमा सहयोग गर्न गठित उच्चस्तरीय संयन्त्रको बैठक प्रधानमन्त्री निवास बालुवाटारमा जारी छ । राष्ट्रिय सभा निर्वाचन लगायतका विषयमा छलफल कांग्रेस नेता रामचन्द्र पौडेल नेतृत्वको संयन्त्रको बैठक बसेको हो।
बालुवाटार स्रोतका अनुसार बैठकमा प्रधानमन्त्री शेरबहादुर देउवाको भारत भ्रमण, आसन्न राष्ट्रिय सभा निर्वाचन लगायतका विषयमा छलफल भइरहेको छ ।
बैठकमा प्रमुख प्रतिपक्षी नेकपा एमालेले प्रतिनिधि सभामा गर्दै आएको अवरोध अन्त्यका विषयमा पनि छलफल हुने बताइएको छ । त्यसै सन्दर्भमा पौडेलले बुधबार एमाले अध्यक्ष केपी शर्मा ओलीसँग भेटवार्ता गरेका थिए ।
