बानेश्वरस्थित इन्द्रेणी कम्प्लेक्समा आगलागी
कागजपत्र |
काठमाडौं – राजधानीको नयाँ बानेश्वरस्थित इन्द्रेणी कम्प्लेक्समा आगलागी भएको छ । आइतबार दिउँसो साढे ३ बजे बुद्धनगर चोकस्थित कम्प्लेक्सको माथिल्लो तलामा एक्कासी आगो लागेको प्रहरीले जनाएको छ ।
कम्प्लेक्सको माथिल्लो तलामा रहेको जीम सेन्टरमा आगो लागेको महानगरीय प्रहरी परिसर काठमाडौंले जनाएको छ । आगो निभाउन दमकल परिचालन गरिएको छ । आगलागीको कारण खुल्न सकेको छैन ।
