कांग्रेस महाधिवेशन: शेखरको अडान कायमै, भन्छन्- आई एम स्टिल अन द रेस
कागजपत्र |
काठमाडौं – नेपाली कांग्रेसको १४ औं महाधिवेशनका दाबेदार शेखर कोइरालाले आफू अझै प्रतिस्पर्धामा नै रहेको बताएका छन्।
कांग्रेसको अन्तिम केन्द्रीय कमिटी बैठकपछि संचारकर्मीसँग कुरा गर्दै उनले आफू अझै प्रतिस्पर्धामै रहेको बताएका हुन् ।
पार्टी मुख्यालय सानेपामा संचारकर्मीसँग बोल्दै उनले भने, ‘आई एम स्टिल अन द रेस। अहिले केही बोल्दिनँ।’
उनले उम्मेदवारीका सन्दर्भमा आफूलाई चिन्ता नभएको बताउँदै चिन्ता नलिन आग्रह पनि गरे।
कांग्रेस सभापतिका प्रत्याशी शेखर कोइरालाले प्रकाशमान सिंहले दाबेदारी छाडे रामचन्द्र पौडेललाई समर्थन गर्ने बताएका छन् । बिहीबार बिहान पौडेल निवास बोहोराटार पुगेर कोइरालाले साझा उम्मेदवार बन्न सक्ने अवस्थामा आफ्नो समर्थन हुने बताएका हुन् ।
