कौस्तुभ अन्तर कलेज फुटसल पुस ५ देखि सुरु हुँदै

काठमाडौं — पेप्सीकोलास्थित कौस्तुभ कलेजको आयोजनामा पहिलो कौस्तुभ अन्तर कलेज फुटसल प्रतियोगिता हुने भएको छ।

प्रतियोगिता आगामी पुस ५ देखि १५ पुसमा हुने आयोजकको भनाइ छ।

प्रतियोगिता पेप्सीकोला–सानोठिमी पुल नजिकको दिब्वेश्वरी प्लानिङमा अवस्थित बैजयन्ती फुटसलमा हुनेछ।

सेभेन ए साइडको आधारमा हुने प्रतियोगिताको इन्ट्री फि ७ हजार रुपैयाँ रहेको छ।

फर्म बुझाउने अन्तिम मिति पुस २ गतेसम्मका लागि तोकिएको छ।

प्रतियोगितामा ४० भन्दा बढि कलेजको सहभागिता हुने आयोजकको भनाइ छ।