नुवाकोट कांग्रेस सभापतिमा रमेश महत विजयी

नुवाकोट – नेपाली कांग्रेस नुवाकोटको सभापतिमा रमेशकुमार महत विजयी भएका छन् । कांग्रेसको १४औं महाधिवेसनअन्तर्गत जिल्ला कार्यसमितिका लागि मंसिर १० गते भएको मतदानमार्फत पन्चकन्या गाउँपालिका–२ कविलास घर भएका महत जिल्ला सभापतिमा निर्वाचित भएका हुन् ।

सम्पन्न मतगणनामा सभापतिमा विजयी रमेशकुमार महत पक्षले नै पदाधिकारी लगायत बहुमत पदमा विजयी भएका छन् । कुल १ हजार ७ सय ६८ मतदातामध्ये १ हजार ७ सय ४७ मत खसेको थियो ।
उनले ८ सय ३३ मत प्राप्त गरे भने उनका निकटतम प्रतिद्वन्दी डा. केदारनरसिह केसीले ८ सय २३ मत पाए ।

यस्तै, सभापतिमा विजयी रमेशकुमार महत पक्षवाट उप सभापतिमा उम्मेदवारी दिएका सन्तमान तामाङ र राजु थापा क्रमशः आठसय ४६ र सातसय ५१ मत सहित विजयी भए । सचिवमा महत समूहकै बैकुण्ठ मिश्रले सबैभन्दा बढी ९ सय भोट ल्याए । सचिवमा विजयी अर्का नेता श्रीराम श्रेष्ठले आठसय २९ मत ल्याए ।

सह-सचिवमा विजयी यादव नेपालले आठसय २३ र उत्तम पाठकले आठसय ८८ मत ल्याएका छन् । शुक्रबार राति १२ बजेसम्म गरिएको मतदानमा १ हजार ७ सय ४७ मत खसेको थियो ।