

बागमती प्रदेशको हिँउदे अधिवेशन अन्त्य हुँदै

हेटौंडा – बागमती सरकारले हिँउदे अधिवेशन अन्त्य गर्ने निर्णय गरेको छ।
बुधबार बिहान बसेको मन्त्री परिषद्को बैठकले २० चैतको राति १२ बजे सभाको हिउँदे अधिवेशन अन्त्यका लागि प्रदेश प्रमुख समक्ष सिफारिस गर्ने निर्णय गरेको हो।
सरकार र विपक्षी दलबीच सांसदका योजनामा बजेट थप गर्ने पूर्वसहमति कार्यान्वयनका विषयमा उत्पन्न विवाद बढ्दै जाँदा बागमती प्रदेश सभा बैठक प्रभावित भएको थियो ।
मंगलबार बोलाइएको सर्वदलीय बैठकमा गरिएको सहमतिको प्रयास असफल भएपछि बैठक बस्न सकेको थिएन।
प्रदेश सभाको यो अधिवेशन गत माघ १५ गते शुरु भएको थियो।

