तथ्यांक विभागका महानिर्देशकद्वारा सभामुख सापकोटाको विवरण संकलन
कागजपत्र |
काठमाडौं – सभामुख अग्निप्रसाद सापकोटाले १२औं राष्ट्रिय जनगणनामा सहभागी भई सत्यतथ्य विवरण उपलब्ध गराउन आह्वान गरेका छन्।
शनिबार बिहान लैनचौरस्थित निवासमा पुगेको जनगणनाको टोलीलाई परिवारको तथ्यांक उपलब्ध गराएपछि सत्यतथ्य विवरण उपलब्ध गराउन आह्वान गरेका हुन्।
सभामुखको जनगणनाको लागि सभामुख निवास लैनचौरमा जनगणना सञ्चालन संयोजन समितिका राष्ट्रिय संयोजक डा. राम कुमार फुयाँलको नेतृत्वमा केन्द्रीय तथ्यांक विभागका महानिर्देशक नेविनलाल श्रेष्ठसहितको टोली पुगेको थियो।
