ट्रयाक्टरले किच्दा फुजेलमा एकजनाको मृत्यु, चालक फरार
कागजपत्र |
काठमाडौं – गोरखा गण्डकी गाउँपालिका फुजेलमा ट्रयाक्टरले किच्दा एकजनाको मृत्यु भएको छ। गण्डकी गाउँपालिका–४ फुजेलका ५५ वर्षीय प्रेमप्रसाद देवकोटाको मृत्यु भएको हो।
गण्डकी गाउँपालिका–३ तिवारी गाउँ नजिकै ग १ त ४५८८ नम्बरको ट्रयाक्टरले देवकोटालाई किचेको प्रहरीले जनाएको छ। उनको घटनास्थलमै मृत्यु भएको हो।
उनी आमडाँडाबाट घर फर्कँदै थिए। ट्याक्टरबाट खसेका उनलाई चक्काले टाउकोमा किचेको जिल्ला प्रहरी कार्यालय गोरखाले जनाएको छ।
इलाका प्रहरी कार्यलय ताङलीचोकको प्रहरी टोली घटनास्थल पुगेको छ। थप विवरण आउन बाँकी रहेको प्रहरीले जनाएको छ
दुर्घटनालगत्तै ट्याक्टर चालक फरार भएका छन्। उनको खोजीकार्य भइरहेको छ।
