२० को मृत्यु, १०१४ संक्रमित थपिए

काठमाडौं – २४ घन्टामा नेपालमा थप १ हजार १४ जनामा कोरोना भाइरसका संक्रमित थपिएका छन्।

यससँगै हालसम्म नेपालमा संक्रमितको संख्या २ लाख ४१ हजार ९ सय ९५ पुगेको छ ।

त्यस्तै स्वास्थ्य मन्त्रालयका अनुसार थप २४ घण्टामा १६२८ जना निको भएर फर्किएका छन्। योसहित कोरोनाबाट निको हुनेको संख्या २ लाख २७ हजार ४३३ पुगेको छ।

पछिल्लो २४ घन्टामा २० जनाको मृत्यु भएसँगै हालसम्म कोरोनाबाट मृत्यु हुनेको संख्या १६१४ पुगेको छ ।