माओवादी स्थायी समिति बैठकः राष्ट्रियबाहेक सबै तहका सम्मेलनको मिति फेरियो

काठमाडौं– नेकपा माओवादी केन्द्रले राष्ट्रिय सम्मेलनबाहेक सबै तहका सम्मेलनको मिति फेरेको छ।

स्थायी समिति बैठकले उक्त निर्णय गरेको मंगलबार प्रवक्ता कृष्णबहादुर महराले जानकारी दिएका छन्।

उनका अनुसार सदस्यता नवीकरण र सम्मेलनहरुको तालिका फेरिएको छ।सदस्यता नवीकरणको म्याद २५ कात्तिकसम्म थपिएको छ। यसैगरी टोल सम्मेलनहरु २७ कात्तिसम्म, वडा सम्मेलन ४ मंसिरसम्म हुनेछन्। पालिका सम्मेलनलाई ११ मंसिरसम्मको समयसीमा कायम गरिएको महराले बताए।

प्रदेश सम्मेलन २५ कात्तिकसम्म सकेर राष्ट्रिय सम्मेलन हुनेछ।