सरकारमा सहभागी हुने मन्त्रीको नामावली टुङ्गो लगाउन माओवादीको स्थायी कमिटी बैठक बस्दै

काठमाडौं – नेकपा माओवादी केन्द्रको स्थायी कमिटी बैठक आज (बुधबार) बस्दै छ । सरकारमा पठाउने मन्त्रीको नामावली टुङ्गो लगाउन माओवादीले स्थायी कमिटी बैठक बोलाएको हो ।

बैठक दिउँसो १ बजे पार्टी केन्द्रीय कार्यालय पेरिसडाँडामा बस्ने स्थायी कमिटी सदस्य देवेन्द्र पौडेलले जानकारी दिए। माओवादी केन्द्रले अर्थ र ऊर्जा मन्त्रालय लिइसकेको छ। अब शिक्षा, श्रम र भूमिसुधार मन्त्रालय पाउने बताइएको छ ।

माओवादीले मन्त्रीको नाम टुङ्ग्याउने जिम्मा यसअघि नै अध्यक्ष पुष्पकमल दाहाल प्रचण्डलाई दिएको छ ।

चार दलको गठबन्धनबाट प्रधानमन्त्री बनेका शेर बहादुर देउवाले झन्डै तीन महिना लामो समय सम्म पनि मन्त्रालयको भगबण्डा नमिल्दा मन्त्रिपरिषद विस्तार गर्न नसकेका छैनन् । प्रधानमन्त्री देउवाले सवै पार्टीको सहमति र सरकारमा सहभागी हुने मन्त्रीको नामावली प्रप्त भए भोली विहिवार सम्म मन्त्रिपरिषद विस्तार गर्ने बताएका छन् ।