रिफ्रेसमेन्टका लागि राष्ट्रपति भण्डारी चन्द्रागिरिमा
कागजपत्र |
काठमाडौँ – राष्ट्रपति विद्यादेवी भण्डारीले हिजो (सोमबार) को रात चन्द्रागिरिस्थित रिसोर्टमा बिताएकी छन्।
रिफ्रेस हुनका लागि उनी हिजो (सोमबार) चन्द्रागिरि हिल्स रिसोर्टमा बसेको स्रोतले जनाएको छ।
सोमबार राति चन्द्रागिरिमै बसेको र आज शीतल निवास फर्किने राष्ट्रपतिका प्रेस सल्लाहकार टीका ढकालले बताए ।
औपचारिक कार्यक्रम नभएकाले केही सहयोगीका साथ राष्ट्रपति भण्डारी चन्द्रागिरि पुगेकी थिइन्।
छोरीहरुसहित उनी हायस माइक्रोबसबाट सोमबार दिउँसो दुई बजे चन्द्रागिरि पुगेकी थिइन् ।
पछिल्लो समय नेकपा एमाले विभाजन हुनुअघि माधवकुमार नेपालसहितका नेताहरू चन्द्रागिरिको रिसोर्टमा गएर बसेका थिए ।
