कांग्रेसका तीन राजकुमारको गठजोड ‘खरानीको डोरी’

काठमाडौं– महाधिवेशनको चर्चा सुरु हुनासाथ नेपाली कांग्रेसका तीन राजकुमारको गठजोड अचम्मित हिसाबले अगाडि बढेको थियो।

उक्त गठबन्धनबाट एक जना सभापति बन्ने उद्घोष गरेका थिए। महेन्द्रनारायण, वीपी र गणेशमान पुत्रहरू विमलेन्द्र निधि, डा. शशांक कोइराला र प्रकाशमान सिंहको उक्त गठजोडले आफ्ना निवासमा चरण–चरणका बैठक समेत गरेका थिए। तीन राजकुमारको उपमा पाएको उक्त गठबन्धन भने अहिले सुस्ताएको छ।

कतिपयले पहिलो तहका नेतालाई धक्का दिने सोचले बनाएको उक्त तीन राजकुमारको गठबन्धन खरानीको डोरी बनेको विश्लेषण गरेका छन्। ‘सरकार कांग्रेसको नेतृत्वमा बनेपछि यो गठबन्धन तोडिएको हो, धेरैको आँकलन शेरबहादुर देउवा फेरि पनि सभापति बन्ने भएकाले तीनै जना फरक फरक दिशामा लागे।’

निधि, कोइराला र सिंहले सभापतिमा दाबी गरेका थिए। ‘तीनै जना सभापति बन्न नसक्ने भएपछि त्यो गठबन्धनको काम पनि भएन नि’, एक नेता भन्छन्,‘तर तीनै जनाले कांग्रेस नेतृत्वमा अहिले नै पुग्ने अवस्था पनि देखिँदैन।’

ति मध्येका निधिले सभापतिका लागि लड्ने उद्घोष सहित सम्पर्क कार्यालय खोली अगाडि बढीसकेका छन् भने सिंहले बरिष्ठ नेता रामचन्द्र पौडेलसहितले सहयोग गर्नुपर्ने भन्दै पद नछाड्ने अडान कायम राखेका छन्।

कोइरालाले सभापतिमा दाबी गरे पनि अरु जस्तो खुलेका छैनन्।