अमेरिकामा घर आगलागीमा पर्दा ५ जना नेपाली निधन

न्यूयाेर्क – अमेरिकाको ओहायो राज्यको एक्रोन सहरमा आगलागी परी ३ बालबालिकासहित ५ नेपाली भाषी भुटानी परिवारका सदस्यहरूको  मृत्यु भएको छ ।   घटनामा ज्यान गुमाउनेमा दल सुब्बा, श्रीमती फिपमाया सुब्बा तथा १६ वर्षिया छोरी प्रेरणा सुब्बा र ५ वर्षिया छोरी परिसा सुब्बा रहेका छन् । घटनामा सोही परिवारका नातेदारका १२ वर्षिय छोरा स्माइल सुब्बाको पनि मृत्यु भएको छ ।

उक्त घरमा ९ जनाको परिवार बस्दै आएका थिए । घटना आइतबार राती १२.५० मा भएको प्रत्यक्षदर्शीले बताएका छन् । घरधनी दल सुब्बाको चार जनाको परिवार भने घटनामा परेर ज्यान गुमाएका छन् । उक्त घरमै बस्दै आएका नोतदारका पाच जना मध्ये एक जनाको बालकको ज्यान गएको छ ।

उक्त आगलागीमा अन्य ४ जना घाइते भएका आक्रन ​अग्नि नियन्त्रण विभागले जनाएकाे छ । नातेदार तथा छिमेकीका अनुसार आगलागी भएकाे घरमा २ भुटानी परिवारहरू बस्थे । आगलागीकाे कारण भने खुल्न सकेकाे छैन ।