सभामुखले बोलाएको सर्वदलीय बैठकमा ओली नजाने
कागजपत्र |
काठमाडौँ – सभामुख अग्निप्रसाद सापकोटाले बोलाएको सर्वदलीय बैठकमा नेकपा एमालेका अध्यक्ष केपी शर्मा ओली सहभागी नहुने भएका छन्। प्रमुख प्रतिपक्षी दलका नेताको हैसियतमा ओलीलाई पत्र नै पठाइएको थियो।
केही दिनदेखि लगातार संसद् बैठक अवरोध गर्दै आएको एमालेलाई सहमतिमा ल्याएर सदन सुचारु गराउन सभामुख सापकोटाले सोमबार सर्वदलीय बैठक बोलाएका थिए।
अध्यक्ष ओलीका प्रेस संयोजक रामशरण बजगाईंले सभामुखले आह्वान गरेको सर्वदलीय बैठकमा ओली सहभागी नहुने बताए।एमालेको तर्फबाट सर्वदलीय बैठकमा संसदीय दलका उपनेता सुवासचन्द्र नेम्वाङ, प्रमुख सचेतक विशाल भट्टराईलगायत नेता सहभागी हुने एमाले स्रोतले बताएको छ।
बैठक सोमबार दिउँसो बस्दैछ।
प्रमुख प्रतिपक्षी दल एमालेले निरन्तर सदन अवरोध गरेपछि छलफलका लागि सबै पार्टीका संसदीय दलका नेताहरुलाई सभामुख सापकोटाले पत्र नै काटेर निम्ता दिएका छन्।
