चार समिति प्रस्ताव गर्दै महाधिवेशन यात्रातिर एमाले, को–को छन् संयोजक र सदस्यहरू

काठमाडौं– प्रतिपक्षी दल नेकपा एमाले महाधिवेशन केन्द्रित यात्रातिर लम्किएको छ। सोमबार स्थायी कमिटीसँगै केन्द्रीय कमिटीको समेत बैठक राखेर एमालेले महाधिवेशनसम्मका लागि विभिन्न समिति प्रस्तावित गरेको छ।

जसअनुसार अध्यक्ष केपी शर्मा ओलीले राजनीतिक प्रतिवेदन मस्यौदा समितिको संयोजकको भूमिका निर्वाह गर्नेछन्। उक्त समितिमा सदस्यहरुमा वामदेव गौतम, रामबहादुर थापा (बादल), प्रदीप ज्ञवाली, छविलाल विश्वकर्मा, सत्यनारायण मण्डल, विष्णु रिमाल र विन्दा पाण्डे रहेका छन्।

संगठनात्मक प्रतिवेदन मस्यौदा समिति महासचिव ईश्वर पोखरेलको संयोजकत्वमा गठन गरिएको छ। विष्णु पौडेल, टोपबहादुर रायमाझी, शंकर पोखरेल, किरण गुरुङ र पद्मा अर्याल सदस्य रहेका छन्।

उपमहासचिव पौडेलको संयोजकत्वमा प्रस्तावित विधान संशोधन मस्यौदा समितिमा सुवास नेम्वाङ, पृथ्वीसुब्बा गुरुङ, लेखराज भट्ट, रघुवीर महासेठ, राधा ज्ञवाली, भानुभक्त ढकाल र प्रभु साह सदस्य रहेका छन्।

बादल संयोजकत्वको व्यवस्थापन समितिमा मणी थापा, शेरबहादुर तामाङ, सुजिता शाक्य, विनोद श्रेष्ठ, खिमलाल भट्टराई, महेश बस्नेत

र पासाङ शेर्पा सदस्य रहेका छन्।