माओवादी केन्द्रले झुटो आरोप लगाएर कारबाही गरे : टोपबहादुर रायमाझी
कागजपत्र |
काठमाडौं – नेकपा माओवादी केन्द्रबाट निष्कासनमा परेका नेता टोपबहादुर रायमाझीले आफू माओवादी केन्द्रमै रहेको दाबी गरेका छन् । नेता रायमाझीले आफूले पार्टी नछाडेको भन्दै सांसद पदमा पुनर्बहाली माग गर्दै बुधबार रिट लिएर सर्वोच्च अदालत पुगेका हुन् ।
२०७७ पुसमा तत्कालिन प्रधानमन्त्री केपी शर्मा ओलीले प्रतिनिधिसभा विघटन गरेपछि सरकारमा सहभागी भएका रायमाझीलाई नेकपा माओवादी केन्द्रले निष्कासन गरेपछि सांसद पदबाट पदमुक्त भएका थिए ।
तर सांसद पद गुमाएको करिब तीन महिनापछि सर्वोच्च अदालत पुगेका उनले आफूले नेकपा माओवादी केन्द्र नछाडेको जिकिर गरेका छन् । उनले आफूले दल परिवर्तन नगरेको जिकिर गर्दै माओवादी केन्द्रले झुटो आरोप लगाएर कारबाही गरेको दावी गरेका छन् । नेकपा एमाले र माओवादी केन्द्र अलग भएपछि रायमाझीसहितका नेताहरुले आफूहरु माओवादीमा नफर्कने बताएका थिए । उनीहरुलाई नेकपा एमालेका अध्यक्ष केपी शर्मा ओलीले पार्टीको केन्द्रीय कमिटीमा मनोनीतसमेत गरेका थिए ।
तर नेता रायमाझीले आफू एमालेको केन्द्रीय कार्यसमितिमा नरहेको बताए । उनले आफूलाई सफाइको मौका नदिई कारबाही गरिएको भन्दै सांसद पदमा पुनर्बहाली र पार्टी सदस्य कायम राख्न माग गरेका छन् । नेता रायमाझीसँगै माओवादीबाट निष्कासनमा परेका नेताहरु प्रभु साह, लेखराज भट्ट र गौरीशंकर चौधरीले पनि आफूहरुको सांसद पद पुनर्वहाली माग गर्दै रिट दिएका छन् ।
हेर्नुस् रायमाझीले सर्वोच्चमा दायर गरेको रिटको पूर्णपाठ:
