सरकारद्वारा सिन्धुपाल्चोक र मनाङलाई ‘विपत संकटग्रस्त क्षेत्र’ घोषणा
कागजपत्र |
काठमाडौं – सरकारले सिन्धुपाल्चोक र मनाङ जिल्लालाई विपत संकट ग्रस्त क्षेत्र घोषणा गर्ने निर्णय गरेको छ ।
प्रधानमन्त्री शेरबहादुर देउवाको अध्यक्षतामा भर्खरै सम्पन्न मन्त्रीपरिषद् बैठकले उक्त निर्णय गरेको हो । उक्त कुरा मन्त्रीपरिषद्को निर्णयबारे सरकारका प्रवक्ता ज्ञानेन्द्र कार्कीले जनाए ।
त्यस्तै साउन ६ गते इस्लाम धर्मावलम्बीको चाड वकरइद परेको हुनाले सार्वजनिक बिदा दिने निर्णय गरेको छ ।
त्यस्तै सिन्धुपाल्चोक र मनाङका जिल्लालाई आगामी असोज मसान्तसम्म लागू हुने गरी विपत संकटग्रस्त क्षेत्र घोषित गरेको मन्त्री एवं प्रवक्ता कार्कीले बताए ।
त्यस्तै कोरोनाविरुद्धको खोप उपलब्ध गराएकोमा सबै छिमेकी मित्रराष्ट्रहरुलाई धन्यवाद सहित आभार प्रकट समेत गरेको छ ।
