२४ घण्टे स्पष्टीकरणबारे माधवपक्ष छलफलमा
कागजपत्र |
काठमाडौं – नेकपा एमालेका अध्यक्ष केपी शर्मा ओलीले बोलाएको केन्द्रीय कमिटी बैठकमा अनुपस्थित वरिष्ठ नेता माधवकुमार नेपाल समूहका नेताहरु छलफलमा छुट्टै जुटेका छन् । यो समुहको बैठक डल्लुमा बसिरहेको स्रोतले बतायो ।
आइतबार माधव नेपाल सहित २२ जनाले प्रधानमन्त्री शेरबहादुर देउवालाई विश्वासको मत दिएका थिए । देउवालाई विश्वासको मत दिने सांसदहरुलाई अध्यक्ष ओलीले २४ घण्टे स्पष्टीकरण सोधेका छन् ।
ओलीले सोधेको स्पष्टीकरण, एकता प्रक्रिया र आगामी राजनीतिक कोर्सबारे छलफल गर्न नेताहरु जुटेका हुन् ।
