माधव नेपाललाई फकाउन सकिएन : प्रदिप ज्ञवाली

काठमाडौं – नेकपा एमाले प्रवक्ता प्रदिप ज्ञवालीले वरिष्ठ नेता माधवकुमार नेपाललाई मनाउन नसकेको बताएका छन् । एमालेको केन्द्रीय कमिटीको बैठकपछि पत्रकारहरुसँग कुरा गर्दै एमाले प्रवक्ता ज्ञवालीले नेता नेपाललाई पार्टीले मनाउन खोज्दा पनि नसकिएको बताएका हुन् ।

ज्ञवालीले भने ‘उहाँका तीन वटा विषयमा असहमति रहेको पाइयो’, ‘कार्यदलको प्रस्तावप्रति असहमति थियो । उहाँले देउवालाई मत दिने विषयमा पछि हट्दिनँ भन्नु भयो । संस्थागत निर्णय मानेर जान सक्दिन भन्ने कुरा गर्नुभयो । जति गर्दा पनि फकाउन सकिएन ।’

नेकपा एमालेले २२ जना सांसदलाई स्पष्टीकरण सोध्ने निर्णय गरेको छ ।