पछिल्लो २४ घण्टामा २६७६ जनामा संक्रमण पुष्टि, ३३ को मृत्यु

काठमाडौं – नेपालमा पछिल्लो २४ घण्टामा देशभर थप २ हजार ६७६ जनालाई कोरोना भाइरस संक्रमण पुष्टि भएको छ ।

आज पीसीआर र एन्टीजेन गरि १२ हजार ७६८ जनाको कोरोना परीक्षण भएको छ । जसमा पीसीआर ८२५६ र ४५१२ जनाको एन्टीजेन परीक्षण भएको स्वास्थ्य तथा जनसंख्या मन्त्रालयले जनाएको छ ।

सोही अवधिमा १७५७ जना निको भएका छन् भने ३३ जना संक्रमितको मृत्यु भएको छ।

अहिले सक्रिय संक्रमितको संख्या २६ हजार ६३९ रहेको छ । पिसिआर र एन्जीजेन परीक्षण गर्दा हालसम्म ७ लाख १२ हजार ४४६ जनामा संक्रमण पुष्टि भएको छ।

तीमध्ये ६ लाख २६ हजार ४६८ जना संक्रमित निको र ९ हजार ४६३ जना संक्रमितको मृत्यु भइसकेको छ।