सर्वोच्चको फैसलाले गम्भीर प्रश्न उठ्ने छ : नेता नेम्वाङ
कागजपत्र |
काठमाडौं – नेकपा एमाले संसदीय दलका उपनेता सुवास नेम्वाङले सर्वोच्च अदालतको फैसलाले गम्भीर प्रश्न उठ्ने स्थिति आउने बताएका छन् ।
नेता नेम्वाङ्ले अदालतको फैसलाले गम्भीर प्रश्न उठ्ने स्थिति आउने बताउँदै प्रतिनिधिसभा पुनर्स्थापना गर्ने सर्वोच्चको फैसला गलत भए पनि स्वीकार गर्ने बताएका छन् । नेकपा एमाले संविधान, लोकतान्त्रिक मूल्य र मान्यता मान्ने शक्ति भएकाले अदालतको फैसला मान्ने नेम्वाङले बताए ।
नेम्वाङले भने ‘यो फैसला प्रति सहमत हुन सक्ने ठाउँ देखिदैन । तर यति हुँदाहुँदै पनि कानूनको शासन र लोकतन्त्रमा विश्वास गर्ने शक्ति भएको कारण सर्वोच्च अदालतको यो गलत निर्णयलाई हामी मान्छौं’, । उनले संविधान, लोकतान्त्रिक मूल्य र मान्यता वमोजिम निरन्तर संघर्षमा जाने पनि बताए ।
अदालतको फैसलाले गम्भीर प्रश्न उठ्ने स्थिति आएको नेम्वाङले बताए । संविधान, संवैधानिक अभ्यास र संसदीय प्रश्नहरु माथि समेत प्रश्न उठ्नेगरी फैसला आएको उनले बताए ।
