विपक्षीका नाममा कारण देखाऊ आदेशसहित विघटनबारे ९ असारदेखि निरन्तर सुनुवाई

काठमाडौं– प्रतिनिधि सभा विघटनविरुद्धको रिटमा सर्वोच्चको संवैधानिक इजलासले विपक्षीका नाममा कारण देखाऊ आदेश जारी गरेको छ।

पुनःस्थापनासहित अन्तरिम आदेशको माग भए पनि इजलासले ९ असारदेखि नियमित सुनुवाई कायम राख्नेगरी प्रधानमन्त्री र राष्ट्रपतिको कार्यालयसँग कारण देखाऊ आदेश माग गरेको हो।

शेरबहादुर देउवाको पक्षबाट बहस सुनेपछि केहीबेर ब्रेक लिएको इजलास बस्नासाथ प्रधानन्यायाधीश चोलेन्द्र शमशेर राणाले यस्तो आदेश गरेका हुन्।