जसपामा फुटको अन्तिम पत्रः अध्यक्ष महन्थसहित ४ जनालाई २४ घन्टे अल्टिमेटम

काठमाडौं – पछिल्लो समय दूई धारमा देखिएको जनता समाजवादी पार्टी (जसपा) को उपेन्द्र यादव पक्षले महन्थ ठाकुर पक्षलाई पार्टीबाटै निष्कासन गर्नेसम्मको चेतावनी दिएको छ ।

पार्टीले सोधेको स्पष्टीकरणको जवाफ नदिएको भन्दै महन्थ ठाकुर, राजेन्द्र महतो, लक्ष्मणलाल कर्ण र सर्वेन्द्रनाथ शुक्ललाई दोस्रोपटक स्पष्टीकरण सोधेको हो।

दोस्रो पत्र प्राप्त भएको मितिले २४ घण्टाभित्र चित्त बुझ्दो स्पष्टीकरण बुझाउन भनिएको केन्द्रीय कार्यालय प्रमुख प्रकाश अधिकारीद्वारा हस्ताक्षरित पत्रमा जवाफ नदिए पार्टीबाट निष्कासनको कारवाही गर्ने चेतावनी दिइएको छ ।

यो पत्रसँगै जसपा फुटको अन्तिम कसीमा उभिएको छ।