देशभर थप २९३३ जनामा कोरोना संक्रमण, २४ को मृत्यु

काठमाडौं – नेपालमा पछिल्लो २४ घण्टामा २९३३ जनामा कोरोना संक्रमण देखिएको छ ।

यससँगै हालसम्म देशभर कुल संक्रमितको संख्या १ लाख ७६ हजार ५०० पुगेको छ । आज संक्रमित मध्ये ११७६ महिला छन् भने बाँकी १७५७ पुरुषमा कोरोना संक्रमण देखिएको स्वास्थ्य मन्त्रालयले जनाएको छ ।

पछिल्लो २४ घन्टामा देशभर १३४४६ को पीसीआर परिक्षण गरिएको स्वास्थ्य मन्त्रालयले जनाएको छ ।

त्यस्तै गत २४ घण्टामा कोरोनाबाट ३१५० जना निको भएका छन् । योसहित कोरोनाबाट निको हुनेको संख्या १ लाख ३७ हजार ९९२ पुगेको छ ।

त्यस्तै पछिल्लो २४ घन्टामा देशभर थप २४ जनाको मृत्यु भएसँगै हालसम्म कोरोनाबाट ज्यान गुमाउनेको संख्या ९ सय ८४ पुगेको छ ।