आशिका तामाङको प्रश्न– ‘नेपालले भारतको कहाँ भूमि मिच्यो ? तथ्य सार्वजनिक गरियोस्’

काठमाडौं-  राष्ट्रिय स्वतन्त्र पार्टी (रास्वपा)की सांसद आशिका तामाङले नेपालले भारतको भूमि अतिक्रमण गरेको भन्ने विषयमा सार्वजनिक तथ्य प्रस्तुत गर्न प्रधानमन्त्रीसँग माग गरेकी छन् ।

सामाजिक सञ्जाल फेसबुकमा स्टाटस लेख्दै उनले प्रधानमन्त्रीलाई सम्बोधन गर्दै दाबीको आधार सार्वजनिक गर्न आग्रह गरेकी हुन् ।

“प्रधानमन्त्रीज्यूले नेपालले भारतको भूमि कहाँ–कहाँ अतिक्रमण गरेको छ, त्यसको तथ्य सार्वजनिक गरिदिनु हुन हार्दिक अपिल गर्छु,” तामाङले लेखेकी छन्, “किनकि अहिलेसम्म हामीले भारतले मात्र नेपालका भूमि अतिक्रमण गरेको तथ्य सुन्दै आएका थियौँ । तर आज हामीले बुझ्नुपर्ने अवस्था आएको छ कि नेपालले पनि छिमेकी देशको भूमि अतिक्रमण गरेको रहेछ।”

आइतबार प्रतिनिधिसभाको प्रश्नोत्तर कार्यक्रममा प्रधानमन्त्री वादलालेले (प्रधानमन्त्री शाह) नेपालले मात्र नभई भारतले मात्रै होइन, नेपालले पनि भारतका केही स्थानमा भूमि मिचेको हुन सक्ने अभिव्यक्ति दिएका थिए । सो अभिव्यक्तिपछि राजनीतिक वृत्तमा बहस र आलोचना बढिरहेको छ ।