३.२७ अंकले बढ्यो नेप्से

काठमाडाैं- लगातार दुई दिन घटेको शेयर परिसूचक नेप्से तेस्रो दिनमा सामान्य वृद्धि भएको छ । नेपाल स्टक एक्सचेञ्जका अनुसार आज नेप्से सूचक ३.२७ अंकले बढ्दै २ हजार ५८४.४९ अंकमा उक्लिएको हो ।

तथापि, अघिल्लो दिनको तुलनामा आज कारोबार रकम भनेको केही घटेको छ । आज ३ अंकमाथिले नेप्से बढ्दा ३ अर्ब ४२ करोड ९८ लाख रुपैयाँ बराबरको ७६ लाख ६८ हजार कित्ता शेयर दोस्रो बजारमा किनबेच भएको नेप्सेले जनाएको छ ।

अघिल्लो दिन १३ अंकमाथिले नेप्से घट्दा ३ अर्ब ५१ करोड ५९ लाख रुपैयाँ बराबरको ९१ लाख ६७ हजार कित्ता किनबेच भएको थियो । आज बैंकिङ, फाइनान्स, होटल तथा पर्यटन, हाइड्रोपावर, म्यानु एण्ड प्रो, माइक्रोफाइनान्स सूमहको उपसूचक धनात्मक हुँदा बाँकी समूहको उपसूचक ऋणात्मक भएका छन् ।

आज १३४ कम्पनीको शेयर मूल्य बढ्दा ११७ कम्पनीको घटेको छ ।